(ก) อุเปกฺขา อุเปกฺขินฺทฺริยนฺติ?

อุเปกฺขินฺทฺริยํ ฐเปตฺวา อวเสสา อุเปกฺขา, น อุเปกฺขินฺทฺริยํฯ อุเปกฺขินฺทฺริยํ อุเปกฺขา เจว อุเปกฺขินฺทฺริยญฺจฯ

(ข) อุเปกฺขินฺทฺริยํ อุเปกฺขาติ? อามนฺตาฯ

(ก) สทฺธา สทฺธินฺทฺริยนฺติ? อามนฺตาฯ

(ข) สทฺธินฺทฺริยํ สทฺธาติ? อามนฺตาฯ

(ก) วีริยํ วีริยินฺทฺริยนฺติ? อามนฺตาฯ

(ข) วีริยินฺทฺริยํ วีริยนฺติ? อามนฺตา ฯ

(ก) สติ สตินฺทฺริยนฺติ? อามนฺตาฯ

(ข) สตินฺทฺริยํ สตีติ? อามนฺตาฯ

(ก) สมาธิ สมาธินฺทฺริยนฺติ? อามนฺตาฯ

(ข) สมาธินฺทฺริยํ สมาธีติ? อามนฺตาฯ

(ก) ปญฺญา ปญฺญินฺทฺริยนฺติ? อามนฺตาฯ

(ข) ปญฺญินฺทฺริยํ ปญฺญาติ? อามนฺตาฯ

(ก) อนญฺญาตญฺญสฺสามีติ อนญฺญาตญฺญสฺสามีตินฺทฺริยนฺติ? อามนฺตาฯ

(ข) อนญฺญาตญฺญสฺสามีตินฺทฺริยํ อนญฺญาตญฺญสฺสามีติ? อามนฺตาฯ

(ก) อญฺญํ อญฺญินฺทฺริยนฺติ? อามนฺตาฯ

(ข) อญฺญินฺทฺริยํ อญฺญนฺติ? อามนฺตาฯ

(ก) อญฺญาตาวี อญฺญาตาวินฺทฺริยนฺติ? อามนฺตาฯ

(ข) อญฺญาตาวินฺทฺริยํ อญฺญาตาวีติ? อามนฺตาฯ

(ข) ปจฺจนีกํ

[95] (ก) น จกฺขุ น จกฺขุนฺทฺริยนฺติ? อามนฺตาฯ

(ข) น จกฺขุนฺทฺริยํ น จกฺขูติ?

ทิพฺพจกฺขุ ปญฺญาจกฺขุ น จกฺขุนฺทฺริยํ, จกฺขุฯ จกฺขุญฺจ จกฺขุนฺทฺริยญฺจ ฐเปตฺวา อวเสสา น เจว จกฺขุ น จ จกฺขุนฺทฺริยํฯ

(ก) น โสตํ น โสตินฺทฺริยนฺติ? อามนฺตาฯ

(ข) น โสตินฺทฺริยํ น โสตนฺติ?

ทิพฺพโสตํ ตณฺหาโสตํ น โสตินฺทฺริยํ, โสตํฯ โสตญฺจ โสตินฺทฺริยญฺจ ฐเปตฺวา อวเสสา น เจว โสตํ น จ โสตินฺทฺริยํฯ

(ก) น ฆานํ น ฆานินฺทฺริยนฺติ? อามนฺตาฯ

(ข) น ฆานินฺทฺริยํ น ฆานนฺติ? อามนฺตาฯ

(ก) น ชิวฺหา น ชิวฺหินฺทฺริยนฺติ? อามนฺตาฯ

(ข) น ชิวฺหินฺทฺริยํ น ชิวฺหาติ? อามนฺตาฯ

(ก) น กาโย น กายินฺทฺริยนฺติ? อามนฺตาฯ

(ข) น กายินฺทฺริยํ น กาโยติ?

กายินฺทฺริยํ ฐเปตฺวา อวเสโส น กายินฺทฺริยํ, กาโยฯ กายญฺจ กายินฺทฺริยญฺจ ฐเปตฺวา อวเสโส น เจว กาโย น จ กายินฺทฺริยํฯ

(ก) น มโน น มนินฺทฺริยนฺติ? อามนฺตาฯ

(ข) น มนินฺทฺริยํ น มโนติ? อามนฺตาฯ